Вчера, во Беверли Хилс беше пуштена во продажба колекцијата обувки на Џенифер Лопез и Џузепе Ѕаноти.
47-годишната пејачка пристигна на свечениот настан облечена во бел фустан со длабоко деколте од Cushnie et Ochs и секако сандали од својата колекција со талентираниот дизајнер. Лопез позираше и пред излогот на продавницата каде се наоѓа незаборавниот зелен фустан кој таа го носеше на Греми во 2000 година.
Претходно, славната музичарка и актерка сподели фотографија на Instagram и напиша: „Соништата се остваруваат...“.
„Со Џузепе, создадовме ултра-модерна, женствена колекција од убиствени штикли, секси сандали и модерни патики. И како што сите вие би очекувале, внесена е вистинската доза на блесок“ – изјавила Џеј Ло.
