Мала армија славни лица беа поканети на хуманитарната гала-вечера на Фондацијата на Леонардо Дикаприо.
На свеченоста во Сен Тропе преку аукција беа собрани 40 милиони долари за заштита на природата. Самиот Дикаприо донираше неколку лични предмети, како часовник Rolex и уметнички дела од Банкси и Енди Ворхол. Елтон Џон понуди два лични концерти за кои беа донирани по 3 милиони долари.
Меѓу славните гости беа Кејт Хадсон, Наоми Кембел, Мишел Родригез, Елтон Џон, Хајди Клум, Орландо Блум, принцот Алберт Втори, Ирина Шајк, Наташа Поли, Нина Добрев, Петра Немцова, Силвестер Сталоне, Луис Хамилтон, Џон Леџенд, Криси Тиген и Кели Рорбак.
Кејт блесна во црн фустан од Џулиен Мекдоналд, додека Наоми, Ирина и Наташа избраа креации на Версаче. Мишел Родригез се појави во проѕирен фустан на Франческо Скоњамиљо, Нина Добрев во бел фустан од Рим Акра, а Петра Немцова блесна во смарагдно-зелен фустан од Зухаир Мурад.
