Ријана не пропушта дел од летото да го помине во својот роден крај на Барбадос. Славната пејачка деновиве лудо се забавуваше со своите сограѓани.
За традиционалниот карневал кој секоја година се одржува во Барбадос, 27-годишната музичка ѕвезда носеше костим составен од блескави минијатурни бикини со кристали и крилја и шапка од пердуви. Ексцентричниот костум бил инспириран од филмовите „The Hunger Games“.
Ријана беше дел и од парадата која се одржува во рамките на карневалот и невоздржано танцуваше и се забавуваше со пријателите.
Славната пејачка објави фотографии од лудата прослава и на Instagram.
На карневалот присуствуваше и Луис Хамилтон. Веќе одреден период кружат гласини дека познатиот возач на Формула 1 е во врска со Ријана, а нивното заедничко присуство на популарниот карневал уште повеќе ги засили гласините.