Весела атмосфера владееше и синоќа во Центарот за култура во Битола.
Оркестарот Џамбо Агушеви ги разигра и распеа битолчани на последната вечер од Фестивалот на музика од светот.
Специјален гостин на популарниот оркестар беше кларинетистот Благојче Трајковски, кој придонесе оваа вечер да биде незаборавна за присутните.
Џамбо и Аушеви изведоа и хитови како „Дирлада“, „Никој како тебе не бакнува“, а за крај за битолчани ја отсвирија „Битола мој роден крај“.
Оркестарот Џамбо Агушеви постојано одржува свои концерти ширум светот.
Единаесеттото издание на Фестивалот на музика од светот се одржуваше три дена во Центарот за култура во Битола, а го отвори харфистката Хели Сиекинен од Финска. Вториот ден беше резервиран за концертот на Јелена Томашевиќ. И двете дами беа придружувани од Камерниот Оркестар на Битола.
Фото: Ивона Кочов / Femina.mk