Миранда Кер дефилираше на првата ревија по нејзината свадба. 34-годишната манекенка ја покажа бурмата на модното шоу на Moschino во Лос Анџелес, на кое беше презентирана колекцијата ресорт 2018 на познатиот бренд.
Славниот модел позираше за фотографите зад сцената, додека стилисти и фризери ја подготвуваа за ревијата. На нејзината рака блескаат и вереничкиот прстен и нејзината бурма.
Кер ги покажа прстените и во фотосесија за списанието „Marie Claire“.
Миранда и Еван Спигел се венчаа минатиот месец на интимна церемонија во дворот на својата куќа во Брентвуд, Лос Анџелес. Славната Австралијка и 26-годишниот основач на Snapchat ја започнаа својата врска пред две години, а објавија дека се верија во јули минатата година.
