Внуката на легендарната Грејс Кели беше поканета од „Harper’s Bazaar“ за снимањето на моден едиторијал инспириран од стариот Холивуд.
Џазмин Грејс Грималди е повозрасното вонбрачно дете на принцот Алберт Втори, кој е син на Грејс Кели и принцот Рение Трети. Алберт јавно не ја имаше признаено Џазмин како своја ќерка сè до 2006 година.
„Имав 14 години и се подготвував за средно училиште кога во медиумите одекна веста дека татко ми има ќерка и дека тоа сум јас. Знаев дека еден ден ќе се случи тоа“ – рекла Џазмин и дополнила дека нејзината мајка Тамара Ротоло никогаш не ја криела од неа вистината за нејзиниот татко.
23-годишната девојка сега редовно патува во Монако за семејни средби. Неодамна таа присуствуваше на крштавката на близначињата Жак и Габриела (децата на принцот Алберт и принцезата Шарлин). „Едвај чекам да им бидам сестра и да ги гледам како растат“ – коментирала Џазмин.
На фотографиите, Џазмин носи креации од Мајкл Корс, Долче и Габана, Вера Ванг, Ралф Лорен и Каролина Ерера. Иако е во роднинска врска со Грејс Кели, многумина посочуваат дека Џазмин физички многу наликува на друга славна личност – Лејди Гага.
Ова е прво интервју на Џазмин, но веројатно уште многупати ќе слушаме за неа, бидејќи започнува кариера како актерка и пејачка.
Незаборавната Грејс Кели
