Викторија Бекам поради повреда на ногата деновиве се движи со патерици и ортопедска чизма за имобилизација.
Славната дизајнерка објави неколку фотографии со кои се пошегува со својата состојба. „Состанок за дизајн на обувки на една нога!“ – напиша таа на една од фотографиите на кои носи една чевла со висока штикла.
Семејството Бекам неодамна беше на скијање во Канада, но не се знае дали повредата се случила на скијачки терен. Викторија сподели со фановите дека станува збор за мала фрактура и дека ѝ е потребен одмор.
Минатата недела 43-годишната сопруга на Дејвид Бекам беше фотографирана во Лондон непосредно по повредата.
