Бритни Спирс беше почестена со наградата Модна икона на доделувањето на „Teen Choice Awards“. На свеченоста, славната пејачка се појави со синовите Џејден Џејмс и Шон Престон, брат си Брајан и неговата ќерка Лекси.
Со широка насмевка Бритни позираше пред фоторепортерите заедно со своето семејство.
За манифестацијата во Лос Анџелес, музичката ѕвезда избра креација од есенската колекција на Mikael D. Својот стилски избор Бритни го надополни со сребрени сандали Le Silla и накит од Jennifer Meyer.
„Отсекогаш сакав да експериментирам со модата. Таа ни дава шанса да се изразиме себеси и својата личност и да блеснеме на свој сопствен начин“ – изјави таа за време на примањето на наградата. „Бидете бестрашни во вашиот избор и не се плашете да бидете тоа што сте“ – додаде Спирс.