Ненадејната смрт на Авичи го потресе светот пред два дена. Неговите фанови со трогателни пораки се збогуваат со омилениот диџеј, а дел од нив со солзи и танц на неговите песни му оддадоа чест во Столкхолм.
Додека се очекува телото на 28-годишниот музичар да биде пренесено во неговата родна земја, обожавателите не ги задржаа емоциите на плоштадот „Sergels Torg“.
Еден ден пред смртта, Авичи беше фотографиран со пријатели.
Во петокот, тимот на славниот диџеј ја потврди неговата смрт со пораката: „Со длабока тага објавуваме дека го загубивме Тим Берглинг, познат и како Авичи. Тој беше пронајден мртов во Мускат, Оман ова петочно попладне. Семејството е скршено од тага и ги замолуваме сите да ја почитуваат нивната приватност во овој тежок период“.
Неговите фанови добро знаат дека тој се соочуваше со здравствени проблеми, предизвикани од консумацијата на алкохол, а тоа беше и главен фактор што им кажа „не“ на турнеите.
Авичи потпишува многу светски хитови, меѓу кои „Levels“, „Hey Brother“, „You Make Me“ и „Wake Me Up“ и пред да одлучи да прекине со турнеите во 2016 година, беше еден од најплатените диџеи.
