Деми Ловато и Џордан Лутс викендов се заколнаа на вечна љубов.
32-годишната пејачка и 34-годишниот музичар направија интимна свадбена прослава на имот во Санта Барбара, на која поканија 135 најблиски пријатели и роднини.
„Кога го видовме местото, без сомнеж знаевме дека таму сакаме да стапиме во брак“ – рекла Деми.
Убавата невеста промени три венчаници. Кон олтарот, пејачката чекореше во креација која ѝ ги истакнуваше облините од Вивиен Вествуд.
Ловато сподели дел од официјалните свадбени фотографии на „Вог“ и напиша:
„Неделата беше најдобриот ден од мојот живот. На најсовршениот ден, се омажив со мажот од моите соништа, кој се случи да е и мој најдобар пријател и сродна душа, покрај моите најблиски пријатели и семејството, опкружени со многу љубов. Најубавиот дел од денот беше што знаев дека ќе го поминам остатокот од мојот живот со тебе Џордан. Те сакам повеќе отколку што може да се опише со зборови“.
Парот ја потврди врската пред јавноста во 2022 година, а се вери во декември 2023 година.
