Бинди Ирвин и нејзината 13-месечна ќеркичка ја красат корицата на неделникот „People“.
23-годишната ќерка на Ловецот на крокодили, Стив Ирвин, сними фотосесија со сопругот Чендлер Пауел и млата Грејс Вориор. Зад објективот застана нејзиниот брат Роберт.
Стив почина во 2006 година на 44-годишна возраст по убод од риба раја додека снимаше епизода од неговата документарна серија за животинскиот свет.
Бинди е пресреќна што нејзиното дете има голем број снимки на кои може да го гледа дедо си и што знае дека Стив создаде прекрасни документарци со кои ќе расте таа.
„Имаме многу документарци со Тато и секогаш ѝ ги пуштаме на Грејс. Забавно е да ја гледаме како го проучува. Страста кон животот и изразите на неговото лице ја пленат“.
„Дефинитивно гледам делови од Тато во Грејс. Неговата решителност и неспособноста да седи мирен. Мислам дека тоа е многу специјално и со возбуда чекам да ја гледам додека расте и ѝ се развива карактерот. Ако Тато беше тука, искрено, мислам дека никогаш немаше да ја гледам. Тој ќе беше заљубен во неа и ќе правеа сè заедно. Ќе ја гледавме само ако имаше потреба од хранење и потоа повторно ќе ја немаше.“
„Убаво е што без да знае тој ја создаваше најпрекрасната ТВ програма за нашата ќерка. Таа само зјапа во него со целосна фасцинација“ – рекла Бинди.
Бинди, Чендлер и Грејс живеат во „Australia Zoo“, зоолошка градина основана во 1970 година од семејството Ирвин.
