Синоќа се одржа 21-вото по ред издание на „Златна Бубамара на популарноста“, под слоганот „За подобар живот“.
На шоуто во „Борис Трајковски“ присуствуваа бројни јавни личности, а на сцената настапија околу 350 учесници, меѓу кои и Тамара Тодевска.
32-годишната пејачка во блескав комбинезон се појави на сцената заедно со сестра си Тијана. Сребрената креација е дело на Зана Алиу.
Подоцна, Тамара се пресоблече во нежен фустан за настапот со Дадо Топиќ.
Тодевска сподели и фотографии од подготовките.