Анџелина Џоли неодамна со огромни емоции го испрати синот Медокс на факултет во Јужна Кореја, а сега им се посветува на останатите свои деца.
44-годишната актерка беше фотографирана додека се упатуваше на ручек со трите деца Пакс, Шајло и Захара во Вест Холивуд. Ѕвездата од „Maleficent“ носеше бел фустан со кафеав колан на половината.
14-годишната Захара, носеше долг фустан од плакарот на мајка си. Анџелина го носеше истиот фустан за нејзината неодамнешна посета на Париз.
Неодамна, во интервју за ET зборуваше за збогувањето со синот Медокс и рече дека нејзините деца премногу се сакаат. „Она што беше убаво беше начинот на кој сите се збогуваа. Кога беше време да го одведам на аеродром, некои влегоа во автомобилот со мене. Кога знаеш дека твоите деца се сакаат и без никакви притисоци се прегрнуваат, се грижат еден за друг и се поддржуваат, знаеш дека сè ќе биде во ред и дека тие секогаш ќе се имаат еден со друг“ – рече Џоли и призна дека сè уште плаче по синот.
„Ми недостига“ – додаде таа.