На третата годишнина од бракот, Федез ѝ приреди романтично изненадување на сопругата Кијара Ферањи.
31-годишниот пејач ја одведе 34-годишната модна блогерка на платформа сред Езерото Комо, каде ѝ ја отпеа новата песна која ѝ ја посвети. Двајцата споделија фотографии и видеа од специјалниот момент.
„Вечерва, за да ја прославиме нашата трета годишнина од бракот, тој ме одведе на платформа сред Езерото Комо и ми ја отпеа неговата нова песна за мене“ – напиша Ферањи.
Овој гест Кијара го спореди со моментот кога тој со песна ја запроси на сцената сред концерт во Верона.
Видео
Парот започна да се состанува кон крајот на 2016 година, а стапи во брак во септември 2018. Кијара и Федез имаат две деца.
