Џасмин Тукс заплива во брачните води. Поранешниот ангел на Victoria’s Secret се омажи за Хуан Давид Бореро, а церемонијата се одржа во Еквадор.
Убавата невеста носеше венчаница специјално изработена за неа од Зухаир Мурад. „Сакав тој да ми го креира фустанот уште од моментот кога влегов на едно од неговите шоуа за висока мода. Му испратив инспирација и тој го нацрта најпрекрасниот и безвременски фустан што го имам видено досега“ – појасни Тукс за „Вог“.
Црковната церемонија се одржа во католичка црква во Кито, а потоа гостите уживаа во вечера во раскошна хациенда во близина.
Парот се вери пред една година.