Ријана го прослави својот 30. роденден. Пред да се упати на роденденската прослава со семејството, славната пејачка сподели фотографија од детството заедно со порака за благодарност кон мајка си Моника.
„Пред 10.958 дена Моника Фенти стана мајка за првпат на нејзината единствена ќерка! Денес е твој роденден исто толку колку што е и мој. Те сакам мамо! Ти благодарам што ме носеше, ме роди, ме одгледа, ме поддржуваше, ме учеше и сакаше безусловно! Поради тебе јас сум жената која сум денес. Му благодарам на Бог што те избра тебе да ми бидеш мајка кога го испрати мојот дух кај тебе. Ти си најдобрата! Ти благодарам!“ – напиша Ријана.
И мајка ѝ Моника сподели нејзина фотографија од детството и напиша: „Среќен 30. роденден. Божји благослови за моето првороденче. Најмилата и најскромната личност која ја познавам и најгрижливата ќерка. Многу љубов за тебе на овој твој специјален ден“.
Ријана, нејзината мајка и внука ѝ Маџести беа видени кога се упатуваа на забавата.
