Актерите од хит-серијата „Friends“ снимија фотосесија за списанието People и го објавија трејлерот за специјалното обединување.
Џенифер Анистон, Дејвид Швимер, Кортни Кокс, Метју Пери, Лиса Кудроу и Мет Лебланк позираа заедно и ни дозволија да ѕирнеме што нè очекува во „Friends: The Reunion“ што ќе се емитува на 27 мај.
Видеото дефинитивно ќе ви побуди носталгија и ќе ве потсети на најинтересните моменти од култната серија.
Официјален трејлер
Додека фановите на серијата со нетрпение ја очекуваат специјалната епизода, славните актери зборуваа за меѓусебната поврзаност и открија што украле од сетот додека се снимала серијата.
„Бев преплавена од незаменливи спомени од десетте години“ – изјавила Кокс за средбата.
„Интересно е тоа што кога сме заедно, чувствуваме како времето да не поминало. Продолжуваме од каде што застанавме“ – вели Лебланк.
