Рејчел, Рос, Моника, Чендлер, Фиби и Џои повторно се обединија за да ги израдуваат фановите на хит-серијата „Friends“.
Џенифер Анистон, Дејвид Швимер, Кортни Кокс, Метју Пери, Лиса Кудроу и Мет Лебланк снимија специјална епизода во која ќе бидат себеси и нема да ги глумат популарните ликови. Шоуто е снимано без претходно напишано сценарио.
HBO Max го објави првиот тизер. „Поминаа 17 години, но вашите Пријатели се вратија“ – стои во описот, каде е откриено дека епизодата ќе се емитува на 27 мај.
Во специјалната епизода ќе се појават повеќе славни личности, меѓу кои и Дејвид Бекам, Џастин Бибер, Лејди Гага и Малала Јусафзаи.
Серијата „Friends“ се емитуваше 10 години, од 1994 до 2004 година.
