По веселата прослава, Дани Димитровска повторно ги израдува своите фанови споделувајќи нови, досега необјавени моменти од својата свадба со Горан Веселиновски – Весел.
На Instagram, 46-годишната пејачка објави неколку фотографии кои совршено ја доловуваат радоста и среќата од најважниот ден од нејзиниот живот. На една од фотографиите, младенците нежно се држат за рака, додека на други тие позираат со пријателите.
Под објавата, Дани напиша кратко и емотивно: „Пријатели и љубов“.
Свадбената прослава се одржа во скопски ресторан, каде Дани носеше два различни стајлинзи – венчаница со модерен корсет и плисирано здолниште, како и фустан со сребрени детали. Гостите уживаа во уникатната торта и веселата атмосфера, а за музиката се погрижија и нејзините колеги Ѓоко Таневски и Наум Петрески.
Горан ја запроси Дани во јуни оваа година, а неколку месеци подоцна тие стапија во брак на интимна церемонија.
