Аврил Лавињ го прифати предлогот за брак на Мод Сан. Канадската пејачка и американскиот музичар се пофалија на социјалните мрежи со фотографии од свршувачката во Париз.
„Тоа беше најсовршениот и најромантичниот предлог за брак кој можев да го посакам. Бевме во Париз, на бротче на реката Сена. Имаше виолинист, шампањско и рози. Имав чувство како времето да застанало и во тој момент, постоевме само ние двајцата“ – изјави Аврил за People.
На свршеничкиот прстен блеска дијамант во форма на срце, а на него е изгравирано „Hi Icon“ (Здраво Иконо), односно првите зборови кои тој ѝ ги рекол кога се запознале.
Парот ја започна врската минатата година откако се запозна за време на снимањето на нејзиниот нов албум „Love Sux“.
37-годишната исполнителка на хитот „Sk8er Boi“ зад себе има два брака – со Дерик Вабли и Чед Кругер.
