Раперот Кулио издиша за последен пат на 59-годишна возраст.
Музичарот, кој најмногу се прослави со хитот „Gangsta’s Paradise“, бил пронајден мртов во домот на негов пријател каде бил на гости. Неговиот менаџер ја потврди лошата вест и рече дека Кулио отишол во тоалет во домот на негов пријател, но кога не излегол подолго време, пријателот започнал да му довикува, а потоа влегол внатре и го пронашол Кулио на подот.
Наводно, причина за смртта е срцев удар, но тоа допрва ќе биде официјално соопштено.
Раперот, чие вистинско име е Артис Леон Ајви Џуниор, во 1995 година го објави хитот „Gangsta’s Paradise“ за филмот со Мишел Фајфер „Dangerous Minds“. Песната брзо се искачи на врвот на листата Billboard Hot 100 и остана таму три недели, а во 1996 година на Кулио му донесе Греми за Најдобра соло рап изведба.
