Почина Таска Балабанова. Македонската актерка издиша за последен пат на 85-годишна возраст.
Балабанова е родена во Велес. Својата кариера таа ја започна во Младинско-куклениот театар, а ја продолжи во Радио Скопје, каде работеше како радио актер и го позајмуваше својот глас за бројни радио серии.
„Средба“, „Едно лето“, „Илинден“, „Мугра“, „Време на летала“ и „Трето доба“ се дел од филмовите и телевизиските серии во кои се имаше појавено Балабанова.
Таска е позната и по нејзината интерпретација на Олива од цртаниот филм „Попај морнарот“, како и по Македонски Народни Приказни.
