Победниците на „Греми“ 2015: Сем Смит, Бијонсе и Фарел со најмногу награди

Синоќа, во Стејплс центарот во Лос Анџелес, беа доделени престижните „Греми“ награди. За време на најзначајната вечер за музичката индустрија, вкупно 83 златни грамофони завршија во рацете на ѕвездите кои доминираа на сцената во изминатава година.

Сем Смит беше големиот победник на вечерта со освоени четири златни грамофони. За песната „Stay With Me“ тој ги присвои наградите Запис на годината и Песна на годината, а се закити и со наградите Најдобар нов изведувач и Најдобар вокален поп албум.

Сем Смит

Второто место по бројот на освоени награди го поделија Бијонсе, Фарел Вилијамс и Розен Кеш, кои ја напуштија манифестацијата со по три златни грамофони. Фарел ги освои наградите Најдобра поп соло изведба и Најдобро музичко видео за песната „Happy“, додека Бијонсе за настапот со Џеј Зи со „Drunk In Love“ беше почестена со наградата Најдобра R&B изведба. Со „Drunk In Love“ Бијонсе победи и во категоријата Најдобра R&B песна.

Фарел Вилијамс

Бијонсе

Најголемото изненадување на вечерта беше американскиот пејач Бек, кој победи во категоријата Албум на годината со албумот „Morning Phase“.

Комичарката Џоан Риверс постхумно го доби своето прво Греми за аудио верзијата на своите последни мемоари „Diary of a Mad Diva“.

Златни грамофони отидоа и во рацете на Ријана и Еминем за песната „The Monster“, Кристина Агилера и A Great Big World за песната „Say Something“ и Лејди Гага и Тони Бенет за албумот „Cheek To Cheek“.

Лејди Гага и Тони Бенет

Погледнете кратка листа на победниците:

Целосната листа на победници можете да ја погледнете тука.