Џастин Тимберлејк има Лајмска болест.
44-годишниот пејач ја сподели својата дијагноза по завршувањето на неговата светска турнеја „Forget Tomorrow“, за време на која беше наголемо критикуван дека пее многу мал дел од своите песни во живо.
Бројни беа видеата во кои Џастин ѝ дозволува на публиката да пее наместо него на концертите.
@themutesinger dude took a day off on stage.. from @andreeamadalina.ene #justintimberlake #romania #popular #britneyspears ♬ son original - themutesinger
@thattrendingguy2 He has one job #justintimberlake #concert #funnyvideo #trendingvideo #notsinging ♬ original sound - That Trending Guy 2.0
Во емотивната порака, Тимберлејк откри дека симптомите како интензивна болка, екстремна исцрпеност и општ замор драматично влијаеле на неговите настапи.
Славниот музичар сподели дека бил шокиран од дијагнозата, но почувствувал олеснување бидејќи конечно имал објаснување за физичкиот дискомфорт кој го искусувал зад сцената. Иако размислувал да ја прекине турнејата, одлучил да продолжи со настапите бидејќи, „радоста која му ја носи музиката, била поголема од стресот врз неговото тело“.
„Се борам со некои здравствени проблеми и ми беше дијагностицирана Лајмска болест. Ова не го кажувам за да ви биде жал за мене, туку да фрлам малку светлина врз она со кое се соочував зад сцената. Ако сте ја искусиле оваа болест или познавате некој кој ја искусил, тогаш сте свесни дека живеењето со ова може да биде немилосрдно исцрпувачко, ментално и физички.“
„Кога првпат ја добив дијагнозата, несомнено бев шокиран. Но, барем можев да разберам зошто на сцената имав голема болка или едноставно чувствував луд замор или мачнина“ – напиша Џастин.
Тимберлејк се приклучи на листата познати личности кои јавно зборуваат за оваа болест, меѓу кои се и Џастин Бибер, Бела Хадид, Аврил Лавињ и Шанаја Твејн, со цел да подигне свесност и емпатија кај луѓето што се соочуваат со слични предизвици.
„Го споделувам сето ова со надеж дека сите можеме да најдеме начин да се поврземе повеќе. Би сакал да го дадам својот придонес за да им помогнам и на другите кои се соочуваат со оваа болест“ – напиша тој.
Лајмската болест може да предизвика сериозни компликации ако не се третира на време. Сепак, при рана детекција, се лекува со антибиотици и најголем дел од пациентите закрепнуваат целосно.
