Алек и Хиларија Болдвин добија уште едно синче.
36-годишната јога-инструкторка и 62-годишниот актер му посакаа добредојде на нивното петто заедничко дете.
Тие ја споделија првата фотографија со малото бебенце.
„Синоќа добивме бебе. Тој е совршен и не можеме да бидеме посреќни“ – напиша Хиларија.
Сакајќи да го прошири семејството, парот помина низ два спонтани абортуси. Хиларија ги сподели лошите вести на социјалните мрежи за да ја подигне свеста кај луѓето и да ги охрабри жените гласно да зборуваат на оваа тема за да не страдаат тивко.
Двојката е во брак од 2012 година и заедно има уште три сина и една ќерка. Тој има уште една ќерка од претходниот брак со Ким Бесинџер.
