Џенифер Лопез објави нови фотографии од свадбата со Бен Афлек. Славната пејачка и актерка прикажа и детали од церемонијата на која присуствуваа 135 гости.
„Ова е рај. Токму тука. Ние сме сега во него“ – напиша Лопез и дополни дека тоа се едни од нејзините омилени зборови кои Бен ги напишал за филм.
Цветни декорации и романтични детали... погледнете ги новите фотографии:
Свадбата на парот е кулминација на нивната љубовна приказна која започна пред 20 години. Џенифер и Бен се запознаа на снимањето на филмот „Gigli“ во 2001 година, а веќе следната година тој ѝ предложи брак. За жал, пред свадбата, во септември 2003 година, тие изјавија дека ја одложуваат прославата поради големо медиумско внимание. Тие се разделија во 2004 година, а ја обновија романсата во април 2021 година.
„Сечија приказна е различна и сите ние имаме свои патишта по кои чекориме. Нема две исти личности. Но, за нас, ова беше совршен тајминг. Знаев дека конечно ќе се стабилизираме на начин што можете да го направите само кога ќе ја разберете загубата и радоста, кога сте доволно тестирани да не ги земате важните работи здраво за готово и кога нема да дозволувате глупавите безначајни непријатности да ве спречат да го прифатите и цените секој драгоцен момент“ – напиша Лопез.
Џеј Ло објави и фотографии од пробната вечера.
