Џенифер Лопез промени три невестински фустани за свадбената прослава по повод стапувањето во брак со Бен Афлек.
53-годишната пејачка ги објави првите официјални фотографии од најсреќниот ден во нејзиниот живот и слободно може да се каже дека блеска на секоја од нив. Сите венчаници се рачно изработени и се дизајнирани од Ралф Лорен. Петте деца на парот исто така носеа облека од неговиот бренд.
Џеј Ло чекореше кон олтарот во венчаница со волуменозна опашка. Околу 1.000 парчиња тул рачно беа шиени и беа искористени 500 метри ткаенина за да се создаде безвременска креација.
По завршувањето на церемонијата, славната музичарка промени уште две креации.
Свадбата на парот е кулминација на нивната љубовна приказна која започна пред 20 години. Џенифер и Бен се запознаа на снимањето на филмот „Gigli“ во 2001 година, а веќе следната година тој ѝ предложи брак. За жал, пред свадбата, во септември 2003 година, тие изјавија дека ја одложуваат прославата поради големо медиумско внимание. Тие се разделија во 2004 година, а ја обновија романсата во април 2021 година.
