Покрај тоа што го освои Вимблдон по седми пат, Новак Ѓоковиќ вчера имаше уште една причина за славење. Тој ја одбележуваше и осмата годишнина од бракот со Јелена.
Пред да започне финалето, 36-годишната Србинка со фотографии и порака на Instagram му го честиташе овој важен ден на нејзиниот сакан.
„8 години во брак, но сепак имаме само 17 години заедно! Тинејџери“ – напиша Јелена.
По победата, Новак се качи на трибините каде седеше неговото семејство, а Јелена со бакнеж му честиташе за триумфот. Таа на трибините седеше заедно со нивната ќеркичка Тара, а носеше розов фустан од Cecilie Bahnsen.
Славниот српски тенисер и неговата сопруга синоќа присуствуваа и на вечера организирана во чест на победниците на Вимблдон. Тие со насмевка позираа пред фоторепортерите.
Парот се запозна во средно училиште и започна да се состанува во 2005 година. Тие ја објавија свршувачката во септември 2013 година, а следната година стапија во брак во Црна Гора.
