Новак и Јелена Ѓоковиќ организираа хуманитарна гала вечера во Милано со цел да се соберат средства за Фондацијата Новак Ѓоковиќ, која им обезбедува подобар живот и образование на мали деца во Србија, кои поради одредени околности не добиле можност за здраво и нормално детство.
На свечената вечера, славниот пар блесна во елегантно издание. 29-годишниот тенисер избра класичен црн костум и бела кошула, додека неговата шармантна сопруга мамеше погледи во краток фустан од колекцијата висока мода пролет/лето 2016 на Армани.
Новак и Јелена добија поддршка и од бројни славни личности, меѓу кои Џорџо Армани, Серена Вилијамс, Ана Винтур и Андриј Шевченко.
