На само 15 години, Овен Купер испиша историја како најмлад добитник на престижната награда Еми.
Талентираниот тинејџер ја освои наградата Најдобар актер во споредна улога во лимитирана серија за неговата извонредна изведба во „Adolescence“. Купер имаше само 14 години кога се снимаше крими-драмата на Стивен Греам.
Овен доби громогласен аплауз додека се качуваше на сцената за да го одржи својот говор.
„Искрено, кога ги започнав овие часови по драма пред неколку години, не очекував ни да бидам во Соединетите Држави, а камоли овде. Мислам дека вечерва се докажа дека ако слушате, се фокусирате и излезете од вашата комфор зона, можете да постигнете сѐ во животот“ – додаде тој.
@varietymagazine Owen Cooper from "Adolescence" wins best supporting actor in a limited series at the #Emmys ♬ original sound - Variety
На настанот, Купер беше придружуван од своите горди родители.
„Adolescence“ освои уште пет други Еми награди, вклучително и онаа за Најдобра лимитирана серија.
„Adolescence“ е најгледана британска серија досега. Таа започнува со апсењето на 13-годишниот Џејми Милер за убиство на ученичка од неговото училиште. Карактеристично за серијата е што секоја од четирите епизоди е снимана во еден непрекинат кадар.
Серијата поттикна низа дискусии за машкиот гнев, онлајн булингот, прекумерното користење на телефоните и социјалните мрежи.
