Натали Портман мамеше погледи на премиерата на нејзиниот најнов филмски проект „Lucy in The Sky“ во Лос Анџелес.
38-годишната оскаровка направи смел моден избор, појавувајќи се на настанот во мало црно фустанче со екстра длабоко деколте. Својот изглед таа го надополни со црни сандали.
Портман позираше и со својот колега од филмот Џон Хем.
„Lucy in The Sky“ ќе започне да се прикажува во киносалите на 4 октомври. Филмот раскажува приказна за астронаутка која се враќа на земјата, но губи допир со реалноста во свет кој сега ѝ изгледа премал.