Меган Фокс и Брајан Остин Грин целосно го поддржуваат нивниот син Ноа да носи фустани и честопати поттикнуваат дискусии со таа одлука.
Популарната актерка повторно се наврати на таа тема во интервју за „The Talk“.
„Тој дизајнира, црта аутфити... Тој ја сака модата, понекогаш се облекува сам, понекогаш сака да носи фустани. Го запишав во навистина либерално, хипи училиште. Но, дури и таму, овде во Калифорнија, има момчиња кои му велат: 'Момчињата не носат фустани' или 'Момчињата не носат розово.'“
„Моментално поминуваме низ тоа и го учам да има самодоверба, без разлика што му велат другите. Извесно време престана да носи фустани. Носеше фустан пред два дена на училиште. Се врати дома и го прашав како помина и дали некое од другарчињата му рече нешто, а тој ми одговори: 'Сите момчиња ми се смееја кога влегов. Не ми е гајле, премногу сакам фустани'.“
Покрај Ноа, Меган има и уште две помали синчиња – Боди и Џурни.
Пред неколку месеци, кога станаа побројни негативните коментари дека им дозволува на синовите да носат фустани, Фокс го кажа својот став: „Им дозволувам на децата да носат што сакаат! Тие ќе ми кажат што се. Не е моја работа да ги учам тоа.“