Луисана Лопилато и Мајкл Бубле му посакаа добредојде на својот втор син на 22 јануари оваа година. Познатата актерка од серијата „Млади бунтовници“ на својот сајт објави слатка фотографија од првата средба на малите синови.
На семејната фотографија, среќната мајка го држи во прегратка новородениот Елијас, додека го бакнува двегодишниот Ноа. Фотографијата е направена во болница во Буенос Аирес, каде се породи 28-годишната Аргентинка.
Веста за раѓањето на Елијас ја објави Луисана со фотографија на својот профил на Facebook.
Мајкл и Луисана се запознаа во ноември 2008 година, кога познатиот пејач призна дека се заљубил на прв поглед. Една година подоцна тој ја побарал нејзината рака. Во март 2011 година тие ја крунисаа својата љубов со брак.