Амал и Џорџ Клуни уживаат во убавините на Езерото Комо каде поседуваат свој имот.
Славниот пар беше уловен од папараците додека се упатуваше на вечера со пријатели на идиличната италијанска дестинација.
47-годишната адвокатка и активистка не ја криеше насмевката покрај 64-годишниот актер, а фановите повторно ја опсипаа со пофалби за стилот. Амал носеше бела креација со реси од Џамбатиста Вали која ја надополни со златни аксесоари.
Амал и Џорџ периодов се посветени на собирање на средства за неговата фондација, која им нуди бесплатни адвокатски услуги на неправедно осудени новинари и поддршка на групи за женски права низ целиот свет.
