Ким Кардашијан се пофали на социјалните мрежи дека дипломираше право по
44-годишната ријалити ѕвезда приреди забава во својата градина за најблиските, а нејзините ментори одржаа говори во нејзина чест. Додека тие ја пофалија за трудот и напорната работа, многу интернет корисници коментираа дека ѝ требало предолго време за да ја заврши програмата по право која вообичаено бара 3 години учење.
„Ова не е диплома, туку сертификат“, „Цела оваа работа е шоу и шега. Значи доби онлајн диплома како што може да се земе диплома за венчавање на луѓето??“, „Ха-ха 6 години за програма за подготовка за правосуден испит“, „Ова не е диплома, туку сертификат за комплетирање“, „Таа не дипломира право. Таа доби сертификат за комплетирање…“, „Ха-ха онлајн диплома“ – се дел од коментарите.
Сепак, дел од нејзините фанови ја пофалија за напорната работа и што преку своите платформи покажува дека „трудот се исплаќа“.
Ким не посетуваше традиционално правно училиште, туку програма која е алтернативен пат за да се стане адвокат и е достапна во Калифорнија. Програмата им овозможува на индивидуите да учат право преку практични искуства и студии под надзор на лиценциран адвокат или судија.
Ако сака да се занимава со право, Ким треба да го положи правосудниот испит во Калифорнија.
Нејзиниот татко Роберт беше успешен адвокат, па таа сака да ги следи неговите чекори.
