Кетрин Зета Џонс е бесна на докторите на Мајкл Даглас, затоа што не успеале порано да откријат дека тој има рак на грлото.
Мајкл Даглас во шоуто на Дејвид Летерман
65-годишниот актер се жалел на болки во вратот и увото неколку недели пред да му биде поставена дијагнозата, но и покрај сите тестови докторите не успеале да го забележат туморот.
„Бесна сум што не до детектираа порано“ – изјавила Кетрин.
Таа уште и признала дека не била многу изненадена кога била поставена дијагнозата, затоа што знаеле дека нешто не е во ред.
„Не беше голем шок. Знаев дека има нешто. Тој знаеше дека има нешто“ – признала популарната актерка, која е во брак со Даглас 10 години.
Мајкл Даглас пред неколку дена се појави во шоуто на Дејвид Летерман и соопшти дека ракот се проширил во неговиот врат и други делови од главата и дека е во 4-та фаза. Но и покрај тоа, тој останува оптимист затоа што докторите сметаат дека има 80% шанса да преживее и да се пребори со болеста.
„Го третирам ова како излечива болест. Тоа е борба. Ќе го победам ова“ – изјавил Даглас.
Ѕвездата на многу големи филмски хитови призна и дека причина за појавата на овој тип на рак е алкохолот и пушењето, но го обвинува и стресот што го имаше во последната година.
Пред неколку месеци неговиот најстар син Камерон доби затворска казна од 5 години, а плус Мајкл води „правна битка“ со неговата прва жена која сака половина од заработката од неговиот најнов филм „Wall Street 2: Money Never Sleeps“.
