Кајли Џенер и Тревис Скот не се повеќе заедно. Според извори на странските медиуми, двајцата партнери пред неколку недели одлучиле да се разделат и сега живеат во различни домови, но продолжуваат да комуницираат за доброто на нивната 22-месечна ќерка Сторми.
TMZ прв ја пренесе веста дека 22-годишната ѕвезда од „Keeping Up with the Kardashians“ и 28-годишниот рапер се разделуваат, но дека двајцата ќе го делат старателството над Сторми.
Извори блиски до парот ја потврдија веста за реномираното списание People. „Тие сакаат да поминат некое време разделени, но не засекогаш. Сè уште имаат проблеми со довербата, а нивните проблеми уште повеќе се засилија поради стресот од нивниот начин на живот“ – рекол изворот.
Скот не беше присутен на неодамнешната свадба на Џастин Бибер и Хејли Болдвин, од каде Кајли сподели фотографии на Instagram.
Парот последен пат беше виден на јавен настан на премиерата на документарниот филм на Тревис „Look Mom, I Can Fly“ во Санта Моника.
Кајли и Тревис се запознаа на Коачела во 2017 година, а неколку месеци подоцна Кајли забремени. Таа ја роди Сторми на 20-годишна возраст.