Во улога на спонзор и лојален поддржувач на „Браќа Манаки“, бизнисменот Игор Божиновски гостуваше на свеченото отворање на Филмскиот фестивал кое синоќа се одржа во Битола.
Сопственикот на „Божиновски часовници и накит“ се појави на црвениот тепих со сопругата Сандра и синовите Алексеј и Елисеј.
Од „Божиновски часовници и накит“ подготвија специјално изненадување за македонскиот уметник кој доби почесна награда. Имено, за време на свеченоста во Центарот на културата, Љупчо Константинов се закити со наградата Голема ѕвезда на македонскиот филм, а „Божиновски часовници и накит“ изработија уникатна златна ѕвезда за успешниот композитор.
Идејата беше да се создаде ѕвезда, но предизвикот беше како таа ѕвезда да блеска и да зрачи со уникатност.
Тајната формула е во целосната рачна изработка и во нејзината неправилна геометриска форма, која има за цел ѕвездата да ја издвои од шаблонот исто онака како што ќе се издвојува и нејзиниот добитник.
Ѕвездата е целосно изработена од бронза и позлатена со 24 каратно златно, блескајќи во ѕвезденото небо на сите исклучителни луѓе во македонската кинематографија.
И сето тоа зачинето со многу љубов и посветеност со оглед на висината на задачата, а тоа е одбележувањето на 40 годишнината од Фестивалот Браќа Манаки.
Божиновски часовници и накит
По повод јубилејното издание на Филмскиот фестивал, „Божиновски часовници и накит“ креираа и реализираа уникатен изглед на нивниот продажен салон во Градот на конзулите, инспириран од магијата на филмската уметност.