Велат дека за убавина треба посветеност, а понекогаш и по некоја жртва.
Ким Кардашијан е позната по нејзината подготвеност да оди во екстремности за да ги презентира во најдобро светло стајлинзите кои ги избира.
41-годишната ѕвезда од „The Kardashians“ на TikTok сподели хумористично видео од забавата на Долче и Габана во рамките на Миланската модна недела. Во него се гледа дека таа е принудена да скока за да се качи по скали поради нејзиниот претесен фустан од италијанскиот моден бренд. Подоцна, Кардашијан наоѓа друг начин за качување по скалите – правејќи минијатурни чекори.
Видеото завршува со кадар на кој Ким ја напушта забавата и влегува во автомобил, што исто така не поминува без предизвици.
Коментарите на интернет корисниците се најразлични. Додека некои коментираат дека изгледа „смешно“ и „глупаво“, други ја нарекуваат „сирена“ и „модна икона“.
На забавата, Ким присуствуваше за да ја прослави соработката со Доменико Долче и Стефано Габана за новата колекција „Ciao, Kim“.
