Елена Ристеска се закити со ново признание во Скопје.
39-годишната музичарка го прими признанието за особен придонес во културата и музичката уметност од градоначалникот на Општина Аеродром, Дејан Митески. Заедно со неа беа и нејзината сестра Драгица и внуката Делфина.
На Instagram, нашата пејачка сподели фотографии и напиша:
Благодарам за признанието за особен придонес во културата и музичката уметност до Општина Аеродром и до в.д. Градоначалникот Дејан Митески.
Во неделата на 18ти мај го добив ова признание и ми претставува огромно задоволство и среќа бидејќи во Ново Лисиче израснав, во Аеродром продолжив да живеам, а каде и да ме однесе патот во иднина, секогаш моите најубави детски спомени ќе ме враќаат во мојата општина Аеродром.
Поддршката од мојата внука Делфина и мојата сестра Драгица ми е сѐ на светов, тие се секогаш до мене. Но, и дружбата со останатите добитници и моите колеги од музиката беше убава.
ФОТО: Instagram / ELENA RISTESKA ERA
