Дарко Илиевски не пропушти да го одбележи роденденот на својата сопруга Ивана.
Македонскиот пејач, кој моментално живее во Флорида, сподели семејна фотографија со саканата и двете деца, заедно со емотивна порака.
Со зборови полни љубов и благодарност, тој ѝ оддаде почит на жената која, како што вели, му го разубавува секој ден и е срцето на нивното семејство.
Денес, ја славиме најневеројатната жена која ја познавам – мојата сопруга, мојата најдобра пријателка и прекрасна душа која ги исполнува нашите животи со толку многу љубов. Секој момент со тебе е благослов и секојдневно му се заблагодарувам на универзумот што те донесе во мојот живот.
Ти благодарам што си моја партнерка, мој мир и неверојатна мајка на нашите две прекрасни деца. Гледајќи те како ги сакаш и се грижиш за нив (и за мене) е едно од најубавите нешта кои ги имам видено. Ми ги даде најубавите подароци кои некогаш можев да ги посакам – нашето семејство и живот исполнет со љубов.
Нека овој роденден биде исполнет со радост, смеа и сè што посакува твоето срце. Го заслужуваш сето тоа и повеќе. Те сакам.
Ивана доби честитки и од своите пријателки.
Дарко и Ивана се во брак од 2016 година. Нивниот син Матео има пет години, додека ќеркичката Ана минатиот месец го прослави првиот роденден.
