Грешка во гласањето на Евровизија ја искачи Тамара на седмо место, а од гласовите на жирито испадна победничка

Грешка во гласањето на Евровизија ја промени табелата со резултати. Рангирањето на првите 4 позиции останува непроменето, но Тамара со „Proud“ се искачи едно место погоре.

Имено, поради грешка во бодирањето од Белорусија, нашата претставничка застана на 7-мото место, а кога станува збор за гласовите на стручните жирија – Тамара е победничка.

„Каква прекрасна вест. ЕБУ само што ни потврди дека поради грешка во Белоруското гласање, нашата земја е всушност прва од жири и седма во финалето на Евровизија. Не можам да ви опишам колку сум среќна! Ве сакам сите“ – напиша Тамара на Instagram.

View this post on Instagram

Каква прекрасна вест. ЕБУ само што ни потврди дека поради грешка во Белоруското гласање, нашата земја е всушност прва од жири и седма во финалето на Евровизија. Не можам да ви опишам колку сум среќна! Ве сакам сите! OMG - I just found out that we actually won the jury vote and we were #7 in the finals, not #08. I am beyond happy! Thank you so much #proud #esc2019 #teamtamara

A post shared by Tamara Todevska (@tamaratodevska) on May 22, 2019 at 10:16am PDT

EBU (European Broadcasting Union) објави дека за финалното рангирање бил искористен погрешен „агрегиран резултат“. Имено, белоруското жири беше распуштено откако откри како гласаше за првата полуфинална вечер, па за големото финале, бил искористен „агрегиран резултат“, искалкулиран врз база на резултатите од други земји со слична архива на гласање.

На финалната табела, Тамара има 305 поени, со што е на седмо место.