Вистинска дива и на 81-година: Дајана Рос во креација со наметка со имињата на 5-те деца и внуците

Дајана Рос привлече огромно внимание на балот МЕТ.

81-годишната легендарна пејачка се појави на свеченоста за првпат по 22 години во креација со ултра долга наметка, на која беа извезени имињата на нејзините деца и внуци. Вкупно 13 имиња ја красеа креацијата, дизајнирана од нејзиниот син Еван Рос, a изработена во соработка со дизајнерот Уго Мози.

„Имав магична вечер на МЕТ галата со мојот син Еван, носејќи фустан кој тој го создаде со Уго Мози. Имињата на моите деца и внуци, најважните луѓе за мене, беа извезени на мојата опашка, па чувствував како да ги носам сите со мене. Колку убава вечер“ – напиша Дајана.

Таа позираше со своите најмили пред настанот во музејот „Метрополитен“ во Њујорк.

Дајана има пет деца и седум внуци.