Изминаа 17 години од формирањето на македонската група Next Time.
Браќата-близнаци Мартин и Стефан, кои го сочинуваат популарното дуо, со фотографии ја одбележаа оваа значајна за нив годишнина. Тие им се заблагодарија на сите свои фанови, соработници и спонзори низ годините.
Еве ја нивната објава на социјалните мрежи:
17 години Next Time!!!
17 години исполнети со емоција, емоција исполнета со радост. Пробуваме да ставиме секогаш фокус на радоста иако покрај секоја победа има и многу порази, но нашето мото отсекогаш било и ќе биде да уживаме во победата, а да научиме од поразот.
Победата сте секогаш вие, публиката!!! Вие ни ја давате силата, вие ни ја давате мотивацијата и вие ни го давате лебот. Затоа сме ви благодарни од срце. Ние даваме и ќе даваме сè од себе да ја оправдаме вашата доверба со секоја песна и со секој нов концерт.
Следната година стануваме професионално полнолетни, а со полнолетство доаѓа и зрелост, така што веруваме во уште многу години славење песни, музика, концерти и заеднички дружби!!!
Благодарност до сите наши соработници како во бендот така и надвор од него.
Благодарност до сите спонзори и помагатели, вие ни ја олеснувате работата и креативноста!!!
Ви благодариме од срце.
Ваши
Стефан и Мартин
Next Time
Next Time се формира на почетокот на 2008 година и браќата потпишаа договор со План Б продукција. Пред тоа настапуваа како бенд на музички фестивали за деца. Нивниот прв сингл „Не верувам во тебе“ беше објавен во мај 2008 година.
