Кендал Џенер и Хари Стајлс седнаа на иста маса во шоуто на Џејмс Корден.
24-годишниот модел и 25-годишниот пејач си поставуваа незгодни прашања за личниот живот во сегментот „Spill Your Guts“. Правилата на играта се следниве: Учесниците имаат пред себе ужасни јадења. Доколку некој одлучи да не го одговори поставеното прашање, мора да го изеде она што му е сервирано пред него.
Кендал требаше да одговори на прашања како: „Подреди ги твоите браќа и сестри од најдобар до најлош според нивните родителски вештини“ или „Која е најнеочекуваната славна личност што ти има пратено лична порака“. Хари пак требаше да одговори на непријатното прашање кои од песните на последниот албум се напишани за Кендал.
Најголем дел од прашањата останаа неодговорени, а поранешните партнери мораа да јадат од ужасните јадења пред себе.
Погледнете како течеше забавниот разговор:
Ѕвездата од „Keeping Up with the Kardashians“ носеше колоритен комбинезон од Salvatore Ferragamo.
Хари и Кендал во периодот од 2013 до 2016 година неколкупати беа фотографирани и видени заедно, но никогаш јавно не зборуваа за нивната врска.
Пред две години, Хари откри дека голем дел од песните во неговиот албум се инспирирани од важна жена. „Таа има голем дел во албумот“ - рекол тој. Многумина заклучија дека тој алудира на Кендал, па најверојатно тоа го поттикна прашањето во шоуто на Корден.
