Под отворено небо и во амбиент што одзема здив, Јелена Розга приреди концерт кој ќе се памети долго време.
На сцената во преполниот Антички театар во Охрид, 47-годишната хрватска пејачка уште еднаш покажа зошто е една од најголемите балкански музички ѕвезди.
Со микс од емоции, енергија и харизма, Розга ги изведуваше своите најголеми хитови и ги воодушеви присутните кои пееја со неа од првата до последната песна.
„Денес летам на крилјата на љубовта и емоциите кои ми ги дадовте синоќа. Охридскиот антички театар со години ми беше желба да го работам. Кога ќе се исполни уште еден сон... има ли поубаво? Најсреќна сум на светот, ве сакам“ – напиша Розга и сподели видео од незаборавната вечер.
