Хали Бери по третпат застана пред олтар. Атрактивната актерка и францускиот актер Оливие Мартинез стапија во брак.
Свадбената церемонија се одржала во замок во Франција, а обезбедувањето на славниот пар се погрижило папараците да не стигнат до убавата невеста.
На малкуте фотографии до кои стигнаа странските медиуми, може да се види 46-годишната актерка во автомобил кој се упатува кон замокот. На прославата присуствувале околу 60 гости, меѓу кои и 5-годишната ќерка на Бери, Нала.
Хали и Оливие се запознаа за време на снимањето на филмот „Dark Tide“ во 2010 година и оттогаш се неразделни. Во април минатата година потврдија дека планираат свадба.
Пред неколку месеци беше објавено дека Хали е бремена. Брачниот пар очекува син.
Ова е трет брак на привлечната актерка, а прв на Оливие кој претходно беше во неколкугодишна врска со Кајли Миног.
