Ана Ивановиќ наполни 30 години. Убавата Србинка избра овој специјален ден да го помине со најблиските во родниот град.
Заедно со сопругот Бастијан Швајнштајгер, поранешната тенисерка одлета во Белград и славеше и се забавуваше со семејството и пријателите.
Славниот спортски пар не пропушти да сподели со своите обожаватели фотографии од роденденската атмосфера.
На Instagram, Швајнштајгер објави фотографија со саканата заедно со емотивна порака. „Среќен роденден и сè најубаво ѝ посакувам на мојата неверојатна сопруга! Не постојат зборови кои можат да опишат колку сум среќен што те имам покрај себе. Ти посакувам живот исполнет со среќа и ќе направам сè што можам за да го остварам тоа“ – напиша тој. Ана и Бастијан го очекуваат своето прво дете.
Ана и Бастијан споделија и фотографии од прошетките низ српската метропола. „Многу се забавувавме во Белград“ – напиша таа во описот на една од фотографиите.