Блејк Лајвли чувствува големо олеснување откако судот ја отфрли тужбата на Џастин Балдони против неа и нејзиниот сопруг Рајан Рејнолдс.
Само неколку часови по добивањето на убавата вест, 37-годишната актерка со широка насмевка пристигна на вечера организирана од Шанел во рамките на филмскиот фестивал во Трибека. Таа носеше бел тесен фустан кој ѝ ја истакна фигурата.
Извор близок до парот сподели дека Блејк плачела со олеснување откако дознала дека судијата Луис Лајман ја отфрли контратужбата за клевета која Џастин Балдони ја поднесе против парот.
„Очигледно ѝ олесна. И на двајцата. Сите се среќни“ – рекол изворот.
Судењето на Блејк и Џастин е закажано за март 2026 година. За потсетување, актерката го обвини 40-годишниот актер за сексуално вознемирување на сетот на „It Ends with Us“ и оцрнување на нејзиниот имиџ. Тимот на Балдони, кој го режираше филмот, ги отфрли таквите тврдења.
Според обвинението, Џастин се обидел да додаде сцени кои вклучувале голотија без согласност на Лајвли, ја бакнувал Лајвли кога тоа не било предвидено во сценариото, споделувал свои сексуални искуства и ја принудувал да го направи истото, влегувал во нејзината приколка ненајавен кога таа била топлес, ѝ покажувал фотографии од голи жени и дискутирал пред неа за неговата зависност од порнографија.
