Бијонсе ја спојува високата мода со нејзината спортска колекција во соработка со adidas за септемвриското издание на „Harper’s Bazaar“.
39-годишната музичарка позираше во гламурозни креации од модни куќи како Гучи, Балман, Живанши и Диор, како и парчиња од новата колекција Ivy Park Rodeo.
Во интервјуто за списанието, таа зборуваше за еволуцијата на сцената и во личниот живот, но и за замислата за иднината.
„Желба ми е моите 40-ти да ми бидат забавни и исполнети со слобода. Секој ден сакам да ја чувствувам истата слобода која ја чувствувам на сцената. Сакам да истражувам аспекти од себе кои немав време да ги откријам и да уживам со сопругот и децата. Сакам да патувам без да работам. Сакам следнава декада да биде за прослави, радост и давање и примање на љубов. Сакам да им ја дадам сета љубов што ја имам на луѓето кои ме сакаат“ – вели таа.
Бијонсе најави и дека подготвува нова музика.
